ATM ನಲ್ಲಿ ಹಣ ಡ್ರಾ ಮಾಡಿದಾಗ ನಕಲಿ ನೋಟು ಬಂತಾ….ಹಾಗಂತ ಗಾಬರಿ ಆಗ್ಬೇಡಿ..? ಹೀಗೆ ಮಾಡಿ..!

24 Jul 2018 2:19 PM | Technology
549 Report

ಬ್ಯಾಂಕಿಂಗ್​ ವ್ಯವಸ್ಥೆಯಲ್ಲಿ ಕ್ರಾಂತಿಯೇ ನಡೆದಿದ್ದು ಪ್ಲಾಸ್ಟಿಕ್​ ಕಾರ್ಡ್​ ಮತ್ತು ನೆಟ್​ ಬ್ಯಾಂಕಿಂಗ್​ನಲ್ಲೇ ಎಲ್ಲಾ ಕೆಲಸಗಳು ಮುಗಿಯುತ್ತಿದೆ. ಯಾವಾಗಲೂ ಜೇಬಿನಲ್ಲಿ ಹಣ ತುಂಬಿಕೊಂಡು ಹೋಡಾಡುವುದನ್ನು ಬಿಟ್ಟು ಜನ ಡೆಬಿಟ್​ ಕ್ರೆಡಿಟ್​ ಕಾರ್ಡ್​ಗಳನ್ನಿಟ್ಟುಕೊಂಡು ಓಡಾಡುತ್ತಿದ್ದಾರೆ. ಬ್ಯಾಂಕಿಂಗ್​ ವ್ಯವಸ್ಥೆಯಲ್ಲಿ ಇಷ್ಟೆಲ್ಲ ಕ್ರಾಂತಿಯಾದರೂ ಕೂಡ ಕೆಲವು ಸಮಸ್ಯೆಗಳು ಈಗಲೂ ಇವೆ… ನೆಟ್​ ಬ್ಯಾಂಕಿಂಗ್​ನಲ್ಲಿ ವ್ಯವಹಾರ ಮಾಡುವವರ ಖಾತೆಗಳನ್ನು ಹ್ಯಾಕ್​ ಮಾಡುವುದು, ಎಟಿಎಂ ಗಳಲ್ಲಿ ನಕಲಿ ನೋಟು ತುಂಬಿಸುವುದು ಮತ್ತಿತರ ಸಮಸ್ಯೆಗಳು ಈಗಲೂ ಇವೆ ಆದರೆ ಈ ಸಮಸ್ತೆಗಳಿಗೆ ಪರಿಹಾರವೂ ಇದೆ.

ನೀವು ಎಟಿಎಂ ನಲ್ಲಿ ಹಣ ಡ್ರಾ ಮಾಡಿದಾಗ ನಕಲಿ ನೋಟು ಬಂದರೆ ಏನು ಮಾಡುವುದು ಎಂದು ಎಷ್ಟೋ ಜನರಿಗೆ ಗೊತ್ತಿಲ್ಲ… ಅಪ್ಪಿ ತಪ್ಪಿ ನೀವು ಎಟಿಎಂ ನಲ್ಲಿ ಹಣ ಡ್ರಾ ಮಾಡಿದಾಗ ನಕಲಿ ನೋಟು ಬಂದರೆ ಕೂಡಲೇ ಈ ರೀತಿ ಮಾಡಿ ನಕಲಿ ನೋಟಿಗೆ ಬದಲಾಗಿ ಅಸಲಿ ನೋಟುಗಳನ್ನು ಪಡೆಯಿರಿ.ಪ್ರತಿಯೊಂದು ಎಟಿಎಂ ಕೇಂದ್ರದಲ್ಲಿಯೂ ಕೂಡ ಈಗ ಸೆಕ್ಯುರಿಟಿ ಗಾರ್ಡ್​ ಇರುವುದು ಕಡ್ಡಾಯ, ಹಾಗೆಯೇ ಆ ಎಟಿಎಂ ಕೇಂದ್ರದಲ್ಲಿ ಒಂದು ದೂರಿನ ರಿಜಿಸ್ಟರ್​ ಅನ್ನು ಬ್ಯಾಂಕಿನವರು ಇಡುವುದು  ಕೂಡ ಕಡ್ಡಾಯ, ನೀವು ಡ್ರಾ ಮಾಡಿದ ಹಣದಲ್ಲ ನಕಲಿ ನೋಟು, ಸರಿಯಾಗಿ ಪ್ರಿಂಟ್​ ಆಗದ ನೋಟುಗಳೇನಾದರೂ ಬಂದಿದ್ದಲ್ಲಿ ಆ ಬಗ್ಗೆ ಎಟಿಎಂ ಕೇಂದ್ರದಲ್ಲಿರುವ ಸೆಕ್ಯುರಿಟಿ ಗಾರ್ಡ್​ಗೆ ತೋರಿಸಿ, ಆ ಕೇಂದ್ರದಲ್ಲಿರುವ ರಿಜಿಸ್ಟರ್​ ಬುಕ್​ನಲ್ಲಿ ದೂರು ದಾಖಲಿಸಿ.ರಿಜಿಸ್ಟಾರ್​ ಬುಕ್​ನಲ್ಲಿ ನಿಮಗೆ ಸಿಕ್ಕಿರುವ ನಕಲಿ ನೋಟಿನ ಸಿರಿಯಲ್​ ನಂಬರ್​, ಎಟಿಎಂ ನಿಂದ ಬಂದ ರೆಸಿಪ್ಟ್​ ಸ್ಲಿಫ್​ನ ಟ್ರಾನ್ಸಾಕ್ಷನ್​ ಐಡಿಗಳನ್ನು ಬರೆದು ಅಲ್ಲಿರುವ ಸೆಕ್ಯುರಿಟಿ ಗಾರ್ಡ್​ ಹತ್ತಿರ ಸಹಿ ಮಾಡಿಸಿ.ನೇರವಾಗಿ ಬ್ಯಾಂಕಿಗೆ ತೆರಳಿ ಇದರ ಬಗ್ಗೆ ಒಂದು ದೂರನ್ನು ಮ್ಯಾನೆಜರ್​ಗೆ ಬರೆಯಬೇಕು ಆ ವೇಳೆ ಎಟಿಎಂ ನಲ್ಲಿ ಬಂದ ನಕಲಿ ನೋಟು ಮತ್ತು ಎಟಿಎಂ ರೆಸಿಪ್ಟ್​ ಸ್ಲಿಪ್​ ಅನ್ನು ಜೆರಾಕ್ಸ್​ ಮಾಡಿಸಿ ಲಗತ್ತಿಸಿ ದೂರು ನೀಡಬೇಕು. ಹಾಗೆ ಮಾಡಿದ ಮೇಲೆ ಅದನ್ನು ಪರಿಶೀಲಿಸಿ ನಕಲಿ ನೋಟುಗಳನ್ನು ಹಿಂಪಡೆದು ಅಸಲಿ ನೋಟನ್ನು ನಿಮಗೆ ನೀಡುತ್ತಾರೆ. ಈ ರೀತಿ ದೂರು ಸ್ವೀಕರಿಸದೇ ಇದ್ದರೆ ನೀವು ನೇರವಾಗಿ ಸ್ಥಳಿಯವಾಗಿ ಪೊಲೀಸ್​ ಠಾಣೆಗೆ ದೂರು ನೀಡುವ ಅಧಿಕಾರ ನಿಮಗೆ ಇರುತ್ತದೆ. www.rbi.org.inವೆಬ್​ ಸೈಟ್​ ನಲ್ಲಿ ದೂರು ನೀಡಬಹುದು.ಇಲ್ಲದಿದ್ದರೆ ಸ್ಥಳಿಯ ಬ್ಯಾಂಕಿಂಗ್​ ಅಂಬುಡ್ಸ್​ಮನ್ ಗಳಿಗೆ ದೂರು ನೀಡಿದರೆ ಆ ಅಧಿಕಾರಿಗಳು ಕೂಡಲೆ ಸ್ಫಂದಿಸುತ್ತಾರೆ. ಈ ಮಾಹಿತಿಯನ್ನು ಮತ್ತಷ್ಟು ಶೇರ್​ ಮಾಡುವ ಮೂಲಕ ಎಟಿಎಂ ನಲ್ಲಿ ನಕಲಿ ನೋಟು ಬಂದರೆ ಅವರಿಗೆ ಅನುಕೂಲವಾಗುತ್ತದೆ.​

 

Edited By

Manjula M

Reported By

Manjula M

Comments