ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಟಿ 20 ಪಂದ್ಯದಲ್ಲೆ ಸೋಲೊಪ್ಪಿಕೊಂಡ ಭಾರತ

ನೆನ್ನೆಯಷ್ಟೆ ಮೊದಲ ಟಿ 20 ಪಂದ್ಯ ಆರಂಭಗೊಂಡಿದೆ.. ಆಸ್ಟ್ರೇಲಿಯಾ ವಿರುದ್ದ ಭಾರತ ನೆನ್ನೆ ಮೊದಲ ಟಿ ಟ್ವೆಂಟಿ ಪಂಧ್ಯವನ್ನು ಆಡಿತ್ತು.. ಆದರೆ ಮೊದಲ ಪಂಧ್ಯದಲ್ಲಿಯೇ ಭಾರತ ಸೋಲೊಪ್ಪಿಕೊಂಡಿದೆ.ವೇಗದ ಬೌಲರ್ ಜಸ್‌ಪ್ರಿತ್ ಬುಮ್ರಾ(3-16) ಉತ್ತಮ ಆಟವನ್ನು ಪ್ರದರ್ಶಿಸಿದರೂ ಕೂಡ  ಭಾರತ ತಂಡ ಆಸ್ಟ್ರೇಲಿಯ ವಿರುದ್ಧದ ಮೊದಲ ಟ್ವೆಂಟಿ-20 ಅಂತರ್‌ರಾಷ್ಟ್ರೀಯ ಪಂದ್ಯದಲ್ಲಿ 3 ವಿಕೆಟ್‌ಗಳಿಂದ ಸೋಲು ಕಂಡಿದೆ. ಮೊದಲು ಟಾಸ್ ಸೋತು ಬ್ಯಾಟಿಂಗ್ ಮಾಡಿದ್ದ ಭಾರತ ತಂಡ ನಿಗದಿತ 20 ಓವರ್‌ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 126 ರನ್ ಗಳಿಸಿಕೊಂಡಿತ್ತು..

ಆಸ್ಟ್ರೇಲಿಯಾಕ್ಕೆ ಗೆಲ್ಲಲು 127 ರನ್'ಗಳನ್ನು ಕೊಟ್ಟಿತ್ತು ಭಾರತ… ಭಾರತದ ವಿರುದ್ದ ಸ್ಪರ್ಧಾತ್ಮಕ ಗುರಿ ಬೆನ್ನತ್ತಿದ ಆಸ್ಟ್ರೇಲಿಯಾ ಆರಂಭದಲ್ಲೇ ಮುಗ್ಗರಿಸಿತು. ತಂಡದ ಮೊತ್ತ ಕೇವಲ 5 ರನ್'ಗಳಾಗುವಷ್ಟರಲ್ಲೇ ಸ್ಟೋನಿಸ್ ಹಾಗೂ ನಾಯಕ ಫಿಂಚ್ ಪೆವಿಲಿಯನ್ ಸೇರಿದರು. ಆ ಬಳಿಕ ಮ್ಯಾಕ್ಸ್'ವೆಲ್-ಡಾರ್ಸಿ ಶಾರ್ಟ್ ಜೋಡಿ ಮೂರನೇ ವಿಕೆಟ್'ಗೆ 84 ರನ್'ಗಳ ಜತೆಯಾಟವಾಡುವ ಮೂಲಕ ಆಸಿಸ್ ಗೆಲುವಿನ ಆಸೆಯನ್ನು ಮತ್ತೆ ಚಿಗುರಿಸಿದರು…ಮ್ಯಾಕ್ಸ್'ವೆಲ್ 56 ರನ್ ಗಳಿಸಿ ಆಸಿಸ್'ಗೆ ನೆರವಾದರು. ಆದರೆ ಮ್ಯಾಕ್ಸ್'ವೆಲ್ ವಿಕೆಟ್ ಬೀಳುತ್ತಿದ್ದಂತೆ ಕುಸಿತ ಕಂಡ ಆಸ್ಟ್ರೇಲಿಯಾ ತಂಡ 109 ರನ್'ಗಳಾಗುವಷ್ಟರಲ್ಲಿ 7 ವಿಕೆಟ್ ಕಳೆದುಕೊಂಡು ಪರಿತಪಿಸಿತು.. . ಜಸ್‌ಪ್ರಿತ್ ಬುಮ್ರಾ ಕೊನೆಯ ಓವರ್'ನಲ್ಲಿ ಕೇವಲ 2 ರನ್ ನೀಡಿ 2 ವಿಕೆಟ್ ಕಬಳಿಸುವ ಮೂಲಕ ಭಾರತಕ್ಕೆ ಗೆಲುವಿನ ಆಸೆಯನ್ನು ಮತ್ತೆ ಮೂಡಿಸಿದರು. ಆದರೆ ಕೊನೆಯ ಓವರ್ ಬೌಲಿಂಗ್ ಅಂದುಕೊಂಡಂಗೆ ಸಾಧ್ಯವಾಗಲಿಲ್ಲ… ಈ ಕೊನೆಯ ಓವರ್ ಭಾರತಕ್ಕೆ ಸೋಲನ್ನು ತಂದುಕೊಟ್ಟಿತ್ತು..