ಬ್ರೆಜಿಲ್​ನ್ನು ವಿಶ್ವಕಪ್​ ಪುಟ್ ಬಾಲ್ ಟೂರ್ನಿಯಿಂದ ಹೊರದೂಡಿದ ಬೆಲ್ಜಿಯಂ

ಮಾಸ್ಕೋ- ಫಿಫಾ ವಿಶ್ವಕಪ್​ ಫುಟ್ಬಾಲ್​ 2018 ರ ಎರಡನೇ ಕ್ವಾರ್ಟರ್​ ಫೈನಲ್​ ಪಂದ್ಯವು ರೋಚಕವಾಗಿ ಕೊನೆಗೊಂಡಿದೆ. ಬ್ರೆಜಿಲ್​ ತಂಡವನ್ನು 2-1ರ ಅಂತರದಲ್ಲಿ ಸೋಲಿಸಿದ ಬೆಲ್ಜಿಯಂ ಸೆಮೀಸ್​ಗೆ ಲಗ್ಗೆ ಇಟ್ಟ ಸಂತಸದಲ್ಲಿದೆ.

ಜಿದ್ದಾಜಿದ್ದಿನಿಂದ ಕೂಡಿದ್ದ ಎರಡನೇ ಕ್ವಾರ್ಟರ್​ ಫೈನಲ್​ ಪಂದ್ಯದಲ್ಲಿ ಆರಂಭದಿಂದಲೇ ಬೆಲ್ಜಿಯಂ ಪಂದ್ಯದ  ಮೇಲೆ ಹಿಡಿತವನ್ನು ಸಾಧಿಸಿತ್ತು. ಬೆಲ್ಜಿಯಂ ಪರ ಫೆರ್ನಾಂಡಿನ್ಹೋ 13ನೇ ನಿಮಿಷದಲ್ಲಿ ಗೋಲ್​ ಗಳಿಸುವುದರ ಮೂಲಕ ಪಂದ್ಯದಲ್ಲಿ  ಬೆಲ್ಜಿಯಂ ತಂಡ ಮೇಲುಗೈ ಸಾಧಿಸುವಂತೆ ಮಾಡಿದರು. ಪ್ರಥಮಾರ್ಧ ಆಟ ಮುಗಿಯುವುದಕ್ಕೂ ಮೊದಲೇ ಅಂದರೆ 2-0 ಅಂತರದಲ್ಲಿ ಬ್ರೆಜಿಲ್ ವಿರುದ್ಧ ಬೆಲ್ಜಿಯಂ ಮೇಲುಗೈ ಸಾಧಿಸಿತ್ತು. ಮುಂದಿನ ಆಟದಲ್ಲಿ ಬೆಲ್ಜಿಯಂ ಎದುರಾಳಿ ತಂಡ ಗೋಲ್​ ಗಳಿಸದೇ ಇರುವಂತೆ ಬಹಳಷ್ಟು ಎಚ್ಚರ ವಹಿಸಿತು. ಆದರೆ ಪಂದ್ಯದ 76 ನೇ ನಿಮಿಷದಲ್ಲಿ ಬ್ರೆಜಿಲ್​ನ ರೆನಾಟೋ ಆಗುಸ್ಟೋ ಗೋಲ್​ ಗಳಿಸುವುದರ ಮೂಲಕ ಗೋಲ್​ನ ಅಂತರವನ್ನು 2-1 ಕ್ಕೆ ಕುಗ್ಗಿಸಿದರು. ಆರನೇ ಬಾರಿಗೆ ಪ್ರಶಸ್ತಿ ಪಡೆಯವ ಆಸೆಯಲ್ಲಿದ್ದ ಬ್ರೆಜಿಲ್, ವಿಶ್ವಕಪ್ ಟೂರ್ನಿಯಿಂದ ಹೊರಬಿದ್ದು, ಬಾರಿ ಮುಖಭಂಗವನ್ನು ಅನುಭವಿಸಿತು.