37 ನೇ ವಸಂತಕ್ಕೆ ಕಾಲಿಟ್ಟ ಎಂಎಸ್ ಧೋನಿ: ಹ್ಯಾಪಿ ಬರ್ತಡೇ ಧೋನಿ

  ಭಾರತ ಕ್ರಿಕೆಟ್​ ತಂಡದ ಮಾಜಿ ನಾಯಕ, ಕ್ಯಾಪ್ಟನ್​ ಮಹೇಂದ್ರ ಸಿಂಗ್​ ಧೋನಿ ಇಂದು 37ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಭಾರತೀಯ ಕ್ರಿಕೆಟ್​ ಕಂಡಂತಹ ಅತ್ಯಂತ ಯಶಸ್ವಿ ನಾಯಕರಲ್ಲಿ ಧೋನಿ ಕೂಡ ಒಬ್ಬರು. ಧೋನಿ ಡಿಸೆಂಬರ್​ 23, 2004ರಂದು ಬಾಂಗ್ಲಾದೇಶದ ವಿರುದ್ಧ ಏಕದಿನ ಕ್ರಿಕೆಟ್​ಗೆ ಪಾದಾರ್ಪಣೆಯನ್ನು ಮಾಡಿದ್ದಾರೆ. ಅದಾದ ಒಂದು ವರ್ಷದ ನಂತರ ಅಂದರೆ ಡಿಸೆಂಬರ್ 2, 2005ರಲ್ಲಿ ಧೋನಿ ಟೆಸ್ಟ್​ ತಂಡದಲ್ಲೂ ಸ್ಥಾನವನ್ನು ಪಡೆದುಕೊಳ್ಳುತ್ತಾರೆ.

ಅಂದಿನಿಂದ ಇಂದಿನವರೆಗೆ ಕೂಡ ಧೋನಿ ಕ್ರಿಕೆಟ್​ಗೆ ನೀಡಿದ ಕೊಡುಗೆ ಅಪಾರ ಏಕದಿನ, ಟಿ-20ಕ್ರಿಕೆಟ್​​ನಲ್ಲಿ ಗ್ರೇಟ್​​ ಫಿನಿಶರ್​ ಎಂಬ ಬಿರುದು ಮಹೇಂದ್ರ ಸಿಂಗ್ ಧೋನಿಗಿದೆ. 2007ರಲ್ಲಿ ಏಕದಿನ ಪಂದ್ಯಕ್ಕೆ ನಾಯಕರಾಗಿದ್ದ ರಾಹುಲ್​ ದ್ರಾವಿಡ್​ ರಾಜೀನಾಮೆ ಕೊಟ್ಟ ಬಳಿಕ ಧೋನಿಗೆ  ತಂಡದ ನಾಯಕನಾಗುತ್ತಾನೆ. ಪಂದ್ಯ ಸೋಲುವ ಹಂತದಲ್ಲಿದ್ದಾಗ ಹೇಗಾದರೂ ಮಾಡಿ ಪಂದ್ಯದ ಗತಿಯನ್ನೇ ಬದಲಿಸಬಲ್ಲಂತಹ ಸಾಮರ್ಥ್ಯ ಮಹೇಂದ್ರ ಸಿಂಗ್ ಧೋನಿಗಿದೆ. ಕೋಟ್ಯಾಂತರ ಅಭಿಮಾನಿಗಳನ್ನು ಹೊಂದಿರುವ ಧೋನಿಯವರ ಮುಂದಿನ ಜೀವನ ಸುಖಮಯವಾಗಿರಲಿ ಎಂದು ಹಾರೈಸೋಣ