ಪ್ರೀತಿಯ ಪಿಚ್​ನಲ್ಲಿ ಭುವಿ ಕ್ಲೀನ್ ಬೌಲ್ಡ್

ಒಂಟಿ ಬಾಳ ಪಯಣದಲ್ಲಿ ಜಂಟಿ ಆಗಲು ತುದಿಗಾಲಲ್ಲಿ ನಿಂತಿರುವ ಟೀಂ ಇಂಡಿಯಾದ ಸ್ವಿಂಗ್​ ಸುಲ್ತಾನ್ ಭುವನೇಶ್ವರ್, ​ಬ್ಯಾಚುಲರ್ ಲೈಫ್ ಗೆ ಗುಡ್ ಬೈ ಹೇಳಲು ರೆಡಿಯಾಗಿದ್ದಾರೆ. ನೂಪುರ್​ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ.

ಈ ಬಗ್ಗೆ ತಮ್ಮ ಟ್ವಿಟ್ಟರ್​ನಲ್ಲಿ ಕಮೆಂಟ್​ ಮಾಡಿರುವ ಶಿಖರ್​ ಧವನ್ ಮತ್ತೊಬ್ಬ ಹೆಂಡತಿಯ ಗುಲಾಮ ನಮ್ಮೊಂದಿಗೆ ಸೇರಿಕೊಳ್ಳುತ್ತಿದ್ದಾನೆ ಎಂದು ಭುವಿ ಕಾಲೆಳೆದಿದ್ದಾರೆ. ಅಲ್ಲದೆ, ಭುವಿ ಮದುವೆಗೆ ಶುಭ ಹಾರೈಸಿದ್ದಾರೆ.​ ಇನ್ನು ಬ್ಯಾಚುಲರ್​ ಲೈಫ್​ನಿಂದ ಮ್ಯಾರಿಡ್ ಲೈಫ್​ಗೆ ಹೋಗುತ್ತಿರುವ ಬಗ್ಗೆ ಧವನ್​ ಅವರು ಭುವಿಯ ಅಭಿಪ್ರಾಯವನ್ನು ಕೇಳಿದ್ದು, ಅದರ ವಿಡಿಯೋ ಕೂಡಾ ಮಾಡಿದ್ದಾರೆ. ಇವರಿಬ್ಬರ ನಡುವಿನ ಚರ್ಚೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.