ಜೆಡಿಎಸ್ ಸೇರ್ಪಡೆಗೊಂಡ ಬಿಜೆಪಿಯ ಮಾಜಿ ಸಚಿವ…!!

ಬಿಜೆಪಿಯ ಮಾಜಿ ಸಚಿವ ಆನಂದ್​ ಅಸ್ನೋಟಿಕರ್​ ಬಿಜೆಪಿಗೆ ಗುಡ್​ ಬೈ ಹೇಳಿರುವ ಅವರು ಜೆಡಿಎಸ್​ ವರಿಷ್ಟ ಎಚ್​.ಡಿ. ದೇವೇಗೌಡರ ಸಮ್ಮುಖದಲ್ಲಿ ಪಕ್ಷಕ್ಕೆ ಸೇರ್ಪಡೆಯಾಗಿದ್ದಾರೆ.

ಬಿಜೆಪಿ ಅಧಿಕಾರ ಕಳೆದುಕೊಂಡ ನಂತರ ರಾಜಕೀಯವಾಗಿ ಮರೆಗೆ ಸರಿದಿದ್ದ ಇವರು ಚುನಾವಣೆ ಅತ್ತಿರವಾಗುತ್ತಿದ್ದಂತೆ ರಾಜಕೀಯ ಚಟುವಟಿಕೆಯಲ್ಲಿ ತೊಡಗಿಕೊಂಡಿದ್ದರು. ಬಿಜೆಪಿಯವರು ಸರಿಯಾಗಿ ಸ್ಪಂದಿಸದ ಕಾರಣಕ್ಕಾಗಿ ಅವರು ತಟಸ್ಥರಾಗಿದ್ದರು. ಮಧು ಬಂಗಾರಪ್ಪನವರ ಪರಿಶ್ರಮದಿಂದ ಜೆಡಿಎಸ್​ಗೆ ಕರೆತರುವಲ್ಲಿ ಯಶಸ್ವಿಯಾಗಿದ್ದರು. ಸಂಕ್ರಾಂತಿಯ ಹಬ್ಬವಾದ ಇಂದು ಜೆಡಿಎಸ್​ ವರಿಷ್ಟರಾದ ದೇವೇಗೌಡರ ಪದ್ಮನಾಭ ನಗರದ ಮನೆಯಲ್ಲಿ ಎಚ್.ಡಿ.ಕುಮಾರಸ್ವಾಮಿಯವರ ಸಮ್ಮುಖದಲ್ಲಿ ಜೆಡಿಎಸ್​ ಸೇರಿದ್ದಾರೆ.ಆನಂದ್​ ಅಸ್ನೋಟಿಕರ್​ ಸೇರ್ಪಡೆಯಿಂದಾಗಿ ಉತ್ತರ ಕರ್ನಾಟಕದ ಕಾರವಾರ ಭಾಗದಲ್ಲಿ ಜೆಡಿಎಸ್​ ಪ್ರಭಲವಾಗಲು ಸಹಕಾರಿಯಾಗಲಿದೆ ಎಂದು ಹೇಳಲಾಗಿದೆ.