ವನಿತೆಯರ ಕ್ರಿಕೆಟ್​: ಭಾರತಕ್ಕೆ 196 ರನ್​ಗಳ ಗುರಿ

ಕೆಎಸ್​ಸಿಎ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ, ಬಾಂಗ್ಲಾ ಪರ ಇನ್ನಿಂಗ್ಸ್​ ಆರಂಭಿಸಿದ ಸರ್ಮೀನ್​ ಸುಲ್ತಾನಾ ಹಾಗೂ ಮುರಶೀದಾ ಖತೂನ್​ ಉತ್ತಮ ಆರಂಭ ನೀಡುವಲ್ಲಿ ವಿಫಲರಾದರು. ಆದರೆ, ನಂತರ ಕ್ರೀಸ್​ಗೆ ಬಂದ ಲತಾ ಮೊಂಡೋಲ್​ ಅವರ 71 ರನ್​ ಹಾಗೂ ನಾಯಕಿ ರೂಮಾನಾ ಅಹ್ಮದ್​ ಅವರ 65 ರನ್​ಗಳ ಸಹಾಯದಿಂದ ಬಾಂಗ್ಲಾ 50 ಓವರ್ ಗಳಲ್ಲಿ 7 ವಿಕೆಟ್​ ನಷ್ಟಕ್ಕೆ 195 ರನ್​ ಗಳಿಸಿತು.

ಭಾರತದ ಪರ ಉತ್ತಮ ಬೌಲಿಂಗ್​ ದಾಳಿ ಮಾಡಿದ ಸುಕನ್ಯಾ ಪರೀದಾ, ಎ ಎ ಪಾಟೀಲ್​ ಹಾಗೂ ಶಿವಾಂಗ್​ ರಾಜ್​ ತಲಾ ಒಂದು ವಿಕೆಟ್​ ಪಡೆದರು. ಈಗಾಗಲೇ ಮೊದಲ ಏಕದಿನ ಪಂದ್ಯ ಗೆಲ್ಲುವ ಮೂಲಕ ಮುನ್ನಡೆ ಸಾಧಿಸಿರುವ ಭಾರತ ಈ ಪಂದ್ಯವನ್ನು ಗೆದ್ದರೆ ಮೂರು ಪಂದ್ಯಗಳ ಸರಣಿಯನ್ನು ತನ್ನದಾಗಿಸಿಕೊಳ್ಳಲಿದೆ.