ಹ್ಯಾಂಗೋವರ್​ ಹಾಗೆ ಇದೆಯಾ..!? ಹಾಗಾದ್ರೆ ಇಲ್ಲಿದೆ ನೋಡಿ ಸಿಂಪಲ್ ಟಿಪ್ಸ್

ಸಾಮಾನ್ಯವಾಗಿ ವಾರಪೂರ್ತಿ ಕೆಲಸ ಮಾಡಿ ಸಿಕ್ಕಾಪಟ್ಟೆ ಟಯರ್ಡ್ ಆಗಿರುತ್ತಾರೆ. ಹಾಗಾಗಿ ಸ್ವಲ್ಪ ರಿಲ್ಯಾಕ್ಸ್ ಬೇಕಲ್ವ.. ಹಾಗಾಗಿಯೇ ಇತ್ತೀಚಿನ ದಿನಗಳಲ್ಲಿ ವೀಕೆಂಡ್​ ಪಾರ್ಟಿಗಳು ಹೆಚ್ಚಾಗುತ್ತಲೆ ಇವೆ. ಇದರ ಮಧ್ಯೆ ಬರ್ತಡೇ ಪಾರ್ಟಿ, ಪ್ರಮೋಶನ್​ ಪಾರ್ಟಿ ಅದು ಇದು ಅಂತ ಇರ್ತಾನೆ ಇರ್ತಾವೆ... ಪಾರ್ಟಿಗಳಲ್ಲಿ ಡ್ರಿಂಕ್ಸ್ ಮಾಡಿಲ್ಲ ಅಂದರೆ ಹೇಗೆ ಹೇಳಿ.. ಅದು ಪ್ರೆಸ್ಟಿಜ್ ಪ್ರಶ್ನೆ ಬೇರೆ.. ಹಾಗಾಗಿ ಕುಡಿದುಬಿಡುತ್ತೇವೆ..  ಆಮೇಲೆ  ಬೆಳಿಗ್ಗೆ ಎದ್ದು ಆಫೀಸ್​ಗೆ ಹೋಗಲೇ ಬೇಕು ತಾನೆ... ಆಕಸ್ಮಾತ್ ಆಫಿಸ್​ಗೆ ಹೋದಾಗ ನೀವು ಇನ್ನೂ ಹ್ಯಾಂಗೊವರ್​ನಲ್ಲಿದ್ದರೆ ಏನ್ ಮಾಡ್ತಿರಾ.. ಈ ಕಡೆ ಕೆಲಸನೂ ಮಾಡಕ್ ಆಗಲ್ಲ… ನಿದ್ದೆನೂ ಮಾಡಕ್ ಆಗಲ್ಲ..

ಹಾಗಾಗಿ ಹ್ಯಾಂಗೋವರ್ ನಿಂದ ಹೊರಬರಲು ಒಂದಿಷ್ಟು ಟಿಪ್ಸ್ ಗಳನ್ನ ಹೇಳ್ತೀವಿ ಕೇಳಿ..

 ಹೆಚ್ಚಾಗಿ ನೀರು ಕುಡಿಯಿರಿ: ನಿಮ್ಮ ದೇಹ ಡಿ ಹೈಡ್ರೇಟ್‌ ಆಗುತ್ತಿದೆ ಎನ್ನುವುದನ್ನು ಹ್ಯಾಂಗ್‌ ಓವರ್‌ ತಿಳಿಸುತ್ತದೆ. ಡ್ರಿಂಕ್ಸ್‌ ಮಾಡಿದ ನಂತರ ಹೆಚ್ಚು ನೀರು ಕುಡಿಯಬೇಕು ಇಲ್ಲವಾದಲಿ ಎಳನೀರನ್ನೂ ಕುಡಿಯಬೇಕು... ಹೀಗೆ ಮಾಡುವುದರಿಂದ ಮರುದಿನ ಈ ಹ್ಯಾಂಗೋವರ್‌ ಆಗುವುದಿಲ್ಲ.  ಹಾಗೆಯೇ ಡ್ರಿಂಕ್ಸ್‌ ಮಾಡುವುದಕ್ಕೂ ಮೊದಲು ಮೂರು ನಾಲ್ಕು ಗ್ಲಾಸ್‌ ನೀರು ಕುಡಿಯುವುದರಿಂದಲೂ ಹ್ಯಾಂಗ್‌ ಓವರನ್ನು ತಪ್ಪಿಸಬಹುದು. 

ಉತ್ತಮ ಬ್ರೇಕ್‌ ಪಾಸ್ಟ್‌: ಸಾಕಷ್ಟು ಜನರು ಹ್ಯಾಂಗೋವರ್‌ನಿಂದಾಗಿ ಬೆಳಗಿನ ಉಪಹಾರವನ್ನು ಬಿಟ್ಟು ಬಿಡುತ್ತಾರೆ. ಉತ್ತಮವಾದ ತಿಂಡಿಯನ್ನು ಬೆಳಗಿನ ಸಮಯದಲ್ಲಿ ತಿಂದರೆ ನಿಮ್ಮನ್ನು ಹ್ಯಾಂಗ್‌ ಓವರ್‌ನಿಂದ ಹೊರಬರಲು ಸಹಾಯಮಾಡುತ್ತದೆ.

ಬಾಳೆಹಣ್ಣು: ಬಾಳೆಹಣ್ಣನ್ನು ತಿಂದರೂ ಕೂಡ ಹ್ಯಾಂಗ್ ಓವರ್ ನಿಂದ ಹೊರ ಬರಬಹುದು. ಬಾಳೆಹಣ್ಣು ಪೋಟಾಷಿಯಂ ಭರಿತ ಆಹಾರವಾಗಿದ್ದು, ಇದು ಹ್ಯಾಂಗೋವರ್​ಗೆ ರಾಮಭಾಣ ಎಂದೇ ಹೇಳಬಹುದು. ಕುಡಿದ ನಂತರ ಬಾಳೆಹಣ್ಣನ್ನು ತಿನ್ನುವ ಅಭ್ಯಾಸ ಮಾಡಿಕೊಳ್ಳುವುದು ಉತ್ತಮ. ಬಾಳೆಹಣ್ಣು ನಿಮ್ಮನ್ನು ಆದಷ್ಟು ಬೇಗ ಹ್ಯಾಂಗ್‌ ಓವರ್‌ನಿಂದ ಹೊರ ಬರಲು ಸಹಾಯಮಾಡುತ್ತದೆ.

ಜೇನುತುಪ್ಪ: ಜೇನುತುಪ್ಪವನ್ನು ಬಾಳೆಹಣ್ಣಿನೊಂದಿಗೆ ಸೇವಿಸುವುದರಿಂದ ಅಥವಾ ಬಿಸಿ ನೀರಿಗೆ ಜೇನುತುಪ್ಪ ಹಾಗೂ ನಿಂಬೆ ರಸ ಹಾಕಿ ಸೇವಿಸುವುದರಿಂದಲೂ ಕೂಡ ಹ್ಯಾಂಗೋವರ್ ​ಕಡಿಮೆಯಾಗುತ್ತದೆ. ನೀವೂ ತೀರ ಹ್ಯಾಂಗೋವರ್​ನಲ್ಲಿದ್ದರೆ, ಆ ಹ್ಯಾಂಗೋವರ್​ನಿಂದ ಹೊರಬರುವವರೆಗೂ ಪ್ರತೀ 20-30 ನಿಮಿಷಕ್ಕೊಮ್ಮೆ 2ರಿಂದ 6 ಚಮಚ ಜೇನುತುಪ್ಪ ಸೇವಿಸಿದರೆ ಹ್ಯಾಂಗೋವರ್ ನಿಂದ ಹೊರಬರಬಹುದು.

ಡ್ರಿಂಕ್ಸ್ ಮಾಡೋದು ಮಾತ್ರ ಮುಖ್ಯ ಅಲ್ಲ.. ಹ್ಯಾಂಗೋವರ್’ನಿಂದ ಹೊರಬರುವುದು ಕೂಡ ಅಷ್ಟೆ ಮುಖ್ಯ…ಹಾಗಾಗಿ ಈ ಮಾಹಿತಿಯನ್ನು ನೀವು ತಿಳಿದುಕೊಂಡು ಇತರರಿಗೂ ಕೂಡ ಶೇರ್ ಮಾಡಿ