ಪುಲ್ವಾಮಾ ದಾಳಿಯ ನಂತರ ಮತ್ತೊಮ್ಮೆ ಸಿಆರ್'ಪಿಎಫ್ ವಾಹನದ ಬಳಿ ಸ್ಫೋಟ..

ಪುಲ್ವಾಮಾ ದಾಳಿಯ ನಂತರ ಇದೀಗ ಜಮ್ಮು ಕಾಶ್ಮೀರದಲ್ಲಿ ಮತ್ತೊಮ್ಮೆ ಯೋಧರ ವಾಹನವೊಂದರ ಬಳಿ ಕಾರು ಸ್ಫೋಟಗೊಂಡಿದೆ. ಪುಲ್ವಾಮಾ ದಾಳಿಯ ಘಟನೆ ಮಾಸುವ ಮುನ್ನವೇ ಶನಿವಾರ ಜಮ್ಮು-ಶ್ರೀನಗರ್ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸೇನಾ ವಾಹನಕ್ಕೆ ಹಿಂಬದಿಯಿಂದ  ಬಂದು ಡಿಕ್ಕಿ ಹೊಡೆದ ಪರಿಣಾಮ ಕಾರು ಸ್ಫೋಟಗೊಂಡಿದೆ.  ಈ ವಾಹನ ಸ್ಫೋಟಗೊಂಡಿದ್ದರ ಹಿಂದೆ ಉಗ್ರರ ಕೈವಾಡ ಇದೆಯೇ ಎಂದು ಶಂಕಿಸಲಾಗುತ್ತಿದೆ.

ಮಾಧ್ಯಮಗಳ ವರದಿ ಪ್ರಕಾರ ಸಿ ಆರ್ ಪಿ ಎಫ್ ವಾಹನ ಹೋಗುತ್ತಿದ್ದ ಸಂದರ್ಭದಲ್ಲಿಯೇ ಈ ಘಟನೆ ನಡೆದಿದ್ದು ಅದೃಷ್ಟವಶಾತ್, ಆ ಕಾರಿನಲ್ಲಿ ಡ್ರೈವರ್ ಮಾತ್ರ ಇದ್ದುದ್ದು ಆತನು ಪ್ರಾಣಪಾಯದಿಂದ ಪಾರಾಗಿದ್ದಾನೆ ಎಂದು ವರದಿ ಹೇಳಿದೆ. ಆದರೆ ಕಾರಿನಲ್ಲಿ ಸಿಲಿಂಡರ್ ಸ್ಫೊಟಗೊಂಡ  ಪರಿಣಾಮ  ಘಟನೆ ನಡೆದಿದೆ ಎಂದು ಪ್ರಾಥಮಿಕ ವರದಿಯಲ್ಲಿ ಗೊತ್ತಾಗಿದೆ. ಆದರೆ ಈ ಸ್ಫೋಟದಲ್ಲಿ ಉಗ್ರರ ಕೈವಾಡದ ಬಗ್ಗೆ  ಅನುಮಾನ ಮೂಡುತ್ತಿದೆ.