ಲೋಕಸಭೆ ಚುನಾವಣೆಯಲ್ಲಿ ನಟ ಮತ್ತು ಗಾಯಕನ ನಡುವೆ ಬಿಗ್ ಫೈಟ್ ..!!!

05 Apr 2019 10:45 AM | Entertainment
87 Report

ಈ ಲೋಕಸಭೆ ಚುನಾವಣೆಯಲ್ಲಿ ಸಿನಿಮಾ ಇಂಡಸ್ಟ್ರಿಯ ಕೆಲ ಕಲಾವಿದರು ಸ್ಪರ್ಧಿಸುತ್ತಿದ್ದಾರೆ. ಈ ಬಾರಿ ಕೆಲ ಸ್ಟಾರ್ ಗಳು ತಮ್ಮ ಅದೃಷ್ಟ ಪರೀಕ್ಷೆಗೆ ನಿಂತಿದ್ದಾರೆ.  ಬಾಲಿವುಡ್’ನ ಖ್ಯಾತ ಹಾಸ್ಯನಟ ರಾಜ್​ಪಾಲ್​ ಯಾದವ್ ಇದೀಗ ಲೋಕಸಭೆ ಚುನಾವಣೆಯಲ್ಲಿ ತಮ್ಮ ಅದೃಷ್ಟ ಪರೀಕ್ಷೆಗೆ ಮುಂದಾಗಿದ್ದಾರೆ. ಈ  ಸಂಬಂಧ ದೆಹಲಿ ಕಾಂಗ್ರೆಸ್  ಅಧ್ಯಕ್ಷೆ ಶೀಲಾ ದೀಕ್ಷಿತ್ ರನ್ನ ಭೇಟಿಯಾಗಿ  ಮಾತು-ಕತೆಯೂ ನಡೆದಿದ್ಯಂತೆ. ಈ ಭೇಟಿ ರಾಜಕೀಯ ವಲಯದಲ್ಲಿ ಸಾಕಷ್ಟು ಕುತೂಹಲ ಕೆರಳಿಸಿದೆ.

ಈ ಸಂಬಂಧ, ಒಂದು ವೇಳೆ ನಟ ಕಾಂಗ್ರೆಸ್ ನಿಂದ ಸ್ಪರ್ಧಿಸುವುದಾದರೇ  ಬಿಜೆಪಿ ಮತ್ತಷ್ಟು ಬಲಿಷ್ಟಗೊಳ್ಳಲು ಸಿದ್ಧತೆ ಮಾಡಬೇಕಾಗುತ್ತದೆ ಎಂದು ಕೆಲ ಮೂಲಗಳು ಅಭಿಪ್ರಾಯ ಪಟ್ಟಿವೆ.  ವಾಯುವ್ಯ ದೆಹಲಿ ಭಾಗದ ಬಿಜೆಪಿ ಅಭ್ಯರ್ಥಿಯಾಗಿರುವ ಬಾಲಿವುಡ್​ ನಟ ಹಾಗೂ ಗಾಯಕ ಮನೋಜ್​ ತಿವಾರಿ ವಿರುದ್ಧ ಕಣಕ್ಕಿಳಿಯಲು ರಾಜ್​ಪಾಲ್​ ಚಿಂತನೆ ನಡೆಸಿದ್ದಾರೆ ಎನ್ನಲಾಗಿದೆ. ಈ ಸಂಬಂಧ ಇನ್ನೆರಡು ದಿನಗಳಲ್ಲಿ ಎಲ್ಲವೂ ಅಂತಿಮಗೊಳ್ಳಲಿದೆ ಅಂತಾ ರಾಜ್​ಪಾಲ್​ ಯಾದವ್​ ತಿಳಿಸಿದ್ದಾರೆ. ಕೆಲ ರಾಜಕೀಯ ಪಕ್ಷಗಳು ಚುನಾವಣೆ ಪ್ರಚಾರಕ್ಕೆ ಸ್ಟಾರ್ ಕಲಾವಿದರನ್ನು ದಾಳವಾಗಿ ಬಳಸಿಕೊಳ್ಳುತ್ತಿದ್ದರೇ, ಮತ್ತೆ ಕೆಲವು ಪಕ್ಷಗಳು ಸ್ಪರ್ಧಿಗಳನ್ನಾಗಿ ಕಣಕ್ಕಿಳಿಸುತ್ತಿದ್ದಾರೆ. ಒಟ್ಟಾರೆ ರಾಜಕೀಯ ಮತ್ತು ಸಿನಿಮಾ ಒಂದನೊಂದು ಬೆಸೆದುಕೊಂಡಿರುವುದಂತೂ ನಿಜ.

Edited By

Kavya shree

Reported By

Kavya shree

Comments