ನೀನು ಹುಡುಗಿಯಾಗಿದ್ರೆ ಯಾರೂ ಬಿಡ್ತಿರ್ಲಿಲ್ಲ’  ಅಂತ ದರ್ಶನ್ ಹೇಳಿದ್ದು ಯಾರಿಗೆ..?

ಕನ್ನಡ ಚಿತ್ರರಂಗದಲ್ಲಿ ತೂಗುದೀಪ ಶ್ರೀನಿವಾಸ್ ಹಾಗೂ ದೇವರಾಜ್ ತುಂಬಾ ಒಳ್ಳೆಯ ಸ್ನೇಹಿತರಾಗಿದ್ದರು. ಇತ್ತೀಚೆಗೆ ದರ್ಶನ್ ,ಪ್ರಜ್ವಲ್ ದೇವರಾಜ್ ಹಾಗೂ ಪ್ರಣಾಮ್ ಸಿನಿಮಾಗಳಿಗೆ ತಾವೇ ಖುದ್ದು ಹಾಜರಾಗಿ ಶುಭಾಷಯ ತಿಳಿಸಿದ್ದರು.

ಪ್ರಜ್ವಲ್ ದೇವರಾಜ್ ಅಭಿನಯದ 'ಜಂಟಲ್ ಮ್ಯಾನ್ ' ಸಿನಿಮಾಗೆ ನಿನ್ನೆಯಷ್ಟೇ ಚಾಲೆಂಜಿಂಗ್ ಸ್ಟಾರ್ ದರ್ಶನ್  ಕ್ಲಾಪ್ ಮಾಡಿದ್ದರು. ಅದಕ್ಕೂ ಕೆಲವು ದಿನಗಳ ಹಿಂದೆ ಪ್ರಣಾಮ್ ದೇವರಾಜ್ ಅಭಿನಯದ 'ಕುಮಾರಿ 21 ಎಫ್ ' ಸಿನಿಮಾ ಟ್ರೇಲರನ್ನು ದರ್ಶನ್ ಅವರೇ ಬಿಡುಗಡೆ ಮಾಡಿದರು. ಈ ವೇಳೆ ದರ್ಶನ್ ಪ್ರಣಾಮ್ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನು ಕೂಡ ಹೇಳಿದ್ದರು. 'ನಾನು ಪ್ರಣಾಮ್​​ನನ್ನು ತುಂಬಾ ಚಿಕ್ಕ ವಯಸ್ಸಿನಿಂದ ಕೂಡ ನೋಡುತ್ತಿದ್ದೇನೆ. ಬಹಳ ಕ್ಯೂಟ್. ಅದಕ್ಕೆ ಅವನಿಗೆ ಯಾವಾಗಲೂ ನಾನು ಹೇಳುತ್ತಿರುತ್ತೇನೆ. ನೀನು ಹುಡುಗಿಯಾಗಿದ್ರೆ ನಿನ್ನ ಯಾರೂ ಬಿಡ್ತಿರ್ಲಿಲ್ಲ ಅಂತ. ಕುಮಾರಿ 21 ಎಫ್ ಪ್ರಣಾಮ್ ಅಭಿನಯದ ಮೊದಲ ಸಿನಿಮವಾಗಿದ್ದು  ಸ್ಯಾಂಡಲ್​ವುಡ್​ಗೆ ಅವನಿಗೆ ಹಾರ್ಟ್ಲಿ ವೆಲ್​ಕಮ್ ಮಾಡುತ್ತಿದ್ದೆನೆ ಎಂದರು. ಈ ಸಿನಿಮಾ ತೆರೆ ಮೇಲೆ ಯಾವ ರೀತಿ ಮೂಡಿ ಬರುತ್ತದೆ ಅನ್ನೋದನ್ನ ಕಾದು ನೋಡಬೇಕಿದೆ.