ಸಂಗೀತ ಗಾರುಡಿಗ ಹಂಸಲೇಖ ನಿರ್ದೇಶನದ ಚೊಚ್ಚಲ ಚಿತ್ರ

ಸಂಗೀತ ಗಾರುಡಿಗ ಎಂದೆ ಹೆಸರಾದ ಹಂಸಲೇಖ ಅವರ ನಿರ್ದೇಶನದ ಚೊಚ್ಛಲ ಚಿತ್ರವಾದ 'ಶಕುಂತಲೆ' ಕನ್ನಡದ ಜತೆಗೆ ಹಿಂದಿಯಲ್ಲೂ ಸಹ ನಿರ್ಮಾಣವಾಗುತ್ತಿದೆ. ಬಾಲಿವುಡ್‌ನ ಬಹುಬೇಡಿಕೆಯ ನಟಿಯೇ ಶಕುಂತಲೆ ಪಾತ್ರಕ್ಕೆ ಬಣ್ಣವನ್ನು ಹಚ್ಚುತ್ತಿದ್ದಾರೆ. ಈ ರೀತಿಯ ಮಾಹಿತಿ ಸ್ವತಃ ಹಂಸಲೇಖ ಅವರಿಂದಲೇ ಸಿಕ್ಕಿದೆ.

ಈಗಾಗಲೇ ಅಂದುಕೊಂಡಂತೆ ಈ ಚಿತ್ರ ಎರಡೂ ಭಾಷೆಗಳಲ್ಲೂ ತೆರೆಗೆ ಬಂದರೆ ಭಾರತೀಯ ಚಿತ್ರರಂಗದಲ್ಲೇ ಇದೊಂದು ವಿಭಿನ್ನ ಚಿತ್ರವಾಗಿ ಗಮನಸೆಳೆಯುವುದು ಗ್ಯಾರಂಟಿ ಎನ್ನುವ ವಿಶ್ವಾಸ ಹಂಸಲೇಖ ಅವರಿಗೆ ಇದೆಯಂತೆ. ಹಂಸಲೇಖ ಅವರು ಮೊದಲೇ ಹೇಳಿಕೊಂಡಂತೆ ಆಗಿದ್ದರೆ, ಈ ಚಿತ್ರ ಸೆಟ್ಟೇರಿ ಹಲವು ದಿನಗಳೇ ಆಗಬೇಕಿತ್ತು. ಸದ್ಯಕ್ಕೆ ಚಿತ್ರದ ಕತೆ, ಚಿತ್ರಕತೆ ಹಾಗೂ ಸಂಭಾಷಣೆ ಬರೆದು ಮುಗಿಸಿ ಚಿತ್ರೀಕರಣಕ್ಕೆ ಹೊರಟು ನಿಂತಿದ್ದಾರೆ ಹಂಸಲೇಖ. ಚಿತ್ರದಲ್ಲಿನ  ತಾರಾಗಣದಲ್ಲಿ ಯಾರ್ಯಾರು ಇದ್ದಾರೆನ್ನುವ ಬಗ್ಗೆ ಹಂಸಲೇಖ ಗುಟ್ಟು ಬಿಟ್ಟುಕೊಡುತ್ತಿಲ್ಲ. ಈ ಚಿತ್ರದ ನಾಯಕಿಗಾಗಿ ಯಾರು ತೆರೆ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ ಅನ್ನೋದನ್ನ ಕಾದು ನೋಡಬೇಕಿದೆ.