ಬಾಲಿವುಡ್ ಮಾದಕ ನಟಿ ಶಕೀಲಾ ಇನ್ನಿಲ್ಲ

50, 60ರ ದಶಕದಲ್ಲಿ ಬಾಲಿವುಡ್ನಲ್ಲಿ ಮಿಂಚಿದ ಮಾದಕ ನಟಿ ಶಕೀಲಾ(82) ಹೃದಯಾಘಾತದಿಂದ ಅಸುನೀಗಿದ್ದಾರೆ.

ಮುಂಬಯಿಯ ಬಾಂಧ್ರಾ ಮನೆಯಲ್ಲಿದ್ದಾಗ ಹೃದಯ ನೋವು ಕಾಣಿಸಿಕೊಂಡಿದ್ದ ಅವರನ್ನು ತಕ್ಷಣವೇ ಸಮೀಪದ ಖಾಸಗಿ ಆಸ್ಪತ್ರೆಗೆ ಕೊಂಡೊಯ್ಯಲಾಗಿತ್ತು. ಆದರೆ ಅಲ್ಲಿ ಅವರಿಗೆ ತುರ್ತು ಚಿಕಿತ್ಸೆ ಸಿಗದೆ ಸ್ವಲ್ಪ ದೂರದ ನಿಧಿ ಆಸ್ಪತ್ರೆಗೆ ಕೊಂಡೊಯ್ಯದ್ದಾಗ ಮೃತಪಟ್ಟಿದ್ದರು ಎಂದು ಅವರ ಜತೆ 50ಕ್ಕೂ ಅಧಿಕದ ಚಿತ್ರದಲ್ಲಿ ನಟಿಸಿದ ಸಹನಟರೊಬ್ಬರು ಹೇಳಿದ್ದಾರೆ.

ಶಕೀಲಾ ' ಫೇರ್ಲಿ ಕ್ವೀನ್ ಆಫ್ ಇಂಡಿಯಾ' ಎಂದೇ ಗುರುತಿಸಿಕೊಂಡ ನಟಿ. ನಟ ಬಾಲಿವುಡ್‌ ಜತೆ ನಟಿಸಿದ ಆರ್‌ ಪಾರ್‌(1954) , ಸಿಐಡಿ, ರಾಜ್‌ ಕಪೂರ್‌ ಜತೆ ಅಭಿನಯದ ಶ್ರೀಮಾನ್‌ ಸತ್ಯಾವದಿ(1960) ಮುಂತಾದ ಇವರ ಚಿತ್ರಗಳು ಸೂಪರ್‌ ಹಿಟ್‌ ಆಗಿವೆ.

ಮೆರೀನೆ ಡ್ರೈವ್‌ನ ಪ್ರಸಿದ್ಧ ಬಿಲ್ಡಿಂಗ್ ಗೋಬಿಂದ್‌ ಮಹಲ್‌ನಲ್ಲಿ ವಾಸವಾಗಿದ್ದ ಅವರು, ಪುತ್ರಿ ಮೀನಾಜ್‌ ಪ್ರಸಿದ್ಧ ಸೌತ್‌ ಬಾಂಬೆ ಓಶನ್‌ ಬಿಲ್ಡಿಂಗ್‌ನಿಂದ ಬಿದ್ದು ಆತ್ಮಹತ್ಯೆ ಮಾಡಿದ ಬಳಿಕ, ಬಾಂಧ್ರಾದಲ್ಲಿ ನೆಲೆಸಿದ್ದರು.